الرئيسية
السلام عليكم ورحمة الله وبركاته
كيف حالكو اخوتي ان شاء الله بخير
طبعا كلكم مستغربين من العنوان
بس اتأكدو ما في عنوان من هالنوع غير يكون الفحوى تبعيو مهم
وبيعود بفائده للمنتدى الي بيجمعنا بالفائده ان شاء الله
انا عضوه مشتركه في هاد المنتدى من كذا شهر تقريبا
لاحظت اشياء الي عباره عن شوائب
طبعا لا يخفى عليكو انه ما في اشي كامل بالدنيا
لانو الكمال لله وحده جل في علاه
يا ريت تعتبرو هاد النقد بنّاء
وتاخدو بعين الاعتبار
لاحظت هاد الظاهر بقسم الشعر والخواطر
انو بيكون للعضو اكثر من موضوعين او حتى 3 مواضيع خلال يوم واحد
منكم بيحكي طب ايش فيها هاد بيدل على انو في قراءه ممتازه
وانا بحكي كمان هاد الحكي
بس لما يكون لعضو او تنين اكتر من 3 مواضيع او 4
باقي المواضيع وين راحت؟؟؟
او السؤال الاهم هانه
هل كل المواضيع الي انكتبو او حتى تم نقلهم اخدت حقها من باقي الاعضاء؟
احيانا بتكون المواضيع حلوه كثير
فالوحد خلال التصفح بياخد نظره خلص مهو انا رديت على موضوعين لهاد العضو في اعضاء تانيه الهم حق
فالمفروض انو يكون العكس
نرد على مواضيع ونحكيفي مواضيع تانيه لازم تاخد حقها مع عدم تقليلي لقيمة اي موضوع
هاد الظاهره الي شفتها بهاد القسم
ما بعرف اذا موجوده في اقسام تانيه
فيا ريت الاداره تاخد كلامي من منبع حرص
وما تاخدو من زاوية نقد هدام
طالما اتواجدت انا وغيري بهاد المنتدى
واجب على كل واحد فينا يحافظ علي
لكوننا بشر بنخاف على جهود بعض
مع احترامي للجميع
والله يعطيكم العافيه اخوتي
والسلام عليكم ورحمة الله وبركاته
