الرئيسية
يوم الطفل
كان يوم الطفل صادف يوم السبت الموافق 05\04\2008 بس للأسف تأخرنا بنشر الموضوع لأنو كان في تجميع للصور وهيك .
رح نحكي عن هاد اليوم باختصار وبالبداية بحب اشكر الإخوة مهدي ورامي لأنهم شاركونا بهاد اليوم وكان مفاجأة إلنا إنهم اجو بدون علمنا وبنحكيلهم يعطيكم ألف عافية يارب
بالبداية كان في مسيرة للأطفال من باب المركز انطلقت لحد مكان الاحتفال والي كان في مدرسة عزون الأساسية للبنين . وهناك بلشنا بفعاليات مع الأطفال وكانت كتير حلوة مع انو الإخوة المتطوعين والمتطوعات بعض منهم كان أول مرة بشارك بأيام مفتوحة وبنحكيلهم يعطيكم العافية كفيتو و وفيتو. طبعا تم تقسيم الأطفال لمجموعات وكل مجموعة عملت فعاليات مع مجموعة متطوعين ومن هاي الفعاليات العاب تلي ماتش وفعاليات حركية حلوة أعجبت الأطفال.
بعد الفعاليات اجو إخوانا فرقة الطفل من جمعية الكتاب المقدس وعملوا مع الأطفال مسرحيات مثيرة وشيقة وهادفة وبنحب نشكرهم وبنحكيلهم يعطيكم العافية .
مش راح أطول عليكم لأنو بدنا نشوف الصور مع بعض وهي بتحكي
عدل سابقا من قبل بهجت خروب في السبت أبريل 12, 2008 1:08 pm عدل 1 مرات
