الرئيسية
عيد ميلادي قرب وصار لازم أحاسب نفسي على السنة اللي فاتت ، يوم الاثنين 19 -5 بعد يوم النكبة بأربع أيام الصبح الساعة 6 الصبح صرخت وشردت من حضن أمي ،
صار عمري ... ما راح أقولك .. حزر وفكر على مهل الموضوع اخطر وأصعب ما أنت بتتصور ، "عيد ميلاد سعيد عمو عبود على الحدود من ارض الصمود "، هذه كانت هدية روان بنت اخويا عمرها 9 سنين ، حكتها وهي بتضحك وقالت : قبل الكل كتبتلك جملة بعرفك بتحب الشعر .. كيف بتكتب زهقت لما وصلت معي جملة مزبوطة ، بوستها على جبينها وقلتها : شكرا .. وما حكيت كلمة ثانية ودخلت الغرفة وهيني بكتب الكم شو صار .
أكيد بتقول الموضوع تافه شو دخلنا بعيد ميلادك يا عمى فك عنا قرفان اللي أحسن منك ، طيب أنا زعلان منك ، ازعل وله انت حر ... من وين بعرفك انا ؟ .. ولو أنا فلسطيني أخوك عايش بغزة .. بتعرف يعني شو غزة ..يعني القصف والموت والجرحي والتعذيب والسجن والمعاناة والتشرد والحصار والضياع وسرقة الوقت ..عارف بمر اليوم وبجي اليوم الثاني .. وهو هو ما بتغير .. بحس حالي غريب عايش ومش عايش .. كل يوم بنعد روس والعدد بالليمون ، كل لحظة بتذكر اخويا بالعراق واختى في أفغانستان وعمى فى لبنان وجدي بالسعودية وجدتي باليمن وابن خالتي بالسودان وكل يوم بقولهم .. وينكم صدقوني مشتاق كثير الكم مشتاق أحضنكم .. من زمان ما طلعت مسيرة النا .. من زمان وإحنا بنستني .. صابرين بنغني وين الملايين ، وين الشعب العربي وين .. اجت نكبتنا الستين .. عيد ميلاد سعيد يا فلسطين .. على ناسك اللي باعوكي وله على ناس بتجري على كيس طحين .. بس شعوب بتقول الحكام السبب الأنظمة السبب، وأنت المواطن المسكين .. ياحرام الله يكون في عونك .. راح تعيش طبلة وتموت زبال .. انت مواطن يا مواطن عربي .. انت شو وله شو .. انت حكاية بعيد الاستقلال ، مجرور طول عمرك وما راح تتغير إلا إذا راح عمرك .
رسالتي الكم يا عرب يا شعوب أمدت للغرب رسالة أخيرة ...
حاسب نفسك .. اعرف أصلك وفصلك .. اعرف وين أنت .. وشو وظيفتك بهذا العالم ..لشو مخلوق .. قبل ما نهايتك مش عيد ميلادي .. صدقني مش عارف شو راح يكون موقفك .. أنا بقولك كل عام وأنت بخير .. وعيد موتك راح يكون عيد ميلاد سعيد اذا ما حركت شى ، ولا أعملت شى لصالح بلدك فلسطين وإخوتك فى غزة .. قوم ولا قوم بقولك .. صرخ .. يا حبيبي اقرأ عن بلدك .. غني أغاني وطنية .. كون مجموعة شبابية بتحكى عن الوطن والقضية .. شكرا هذه أجمل هدية .
السلام عليكم ورحمة الله وبركاته
الاحرف التي نقلتها اعلاه ليست الا حروف خرجت من فوهة قلم الكاتب المعروف عبد الحميد عبد المعطي
وهو من غزة
اعتبره كاتب مقال مناضل
اذ خط الاحرف من وراء جبال من التنهدات
وسهول واودية امل انخسفت
هذا رايي انا
فما رايك انت؟؟؟؟
صار عمري ... ما راح أقولك .. حزر وفكر على مهل الموضوع اخطر وأصعب ما أنت بتتصور ، "عيد ميلاد سعيد عمو عبود على الحدود من ارض الصمود "، هذه كانت هدية روان بنت اخويا عمرها 9 سنين ، حكتها وهي بتضحك وقالت : قبل الكل كتبتلك جملة بعرفك بتحب الشعر .. كيف بتكتب زهقت لما وصلت معي جملة مزبوطة ، بوستها على جبينها وقلتها : شكرا .. وما حكيت كلمة ثانية ودخلت الغرفة وهيني بكتب الكم شو صار .
أكيد بتقول الموضوع تافه شو دخلنا بعيد ميلادك يا عمى فك عنا قرفان اللي أحسن منك ، طيب أنا زعلان منك ، ازعل وله انت حر ... من وين بعرفك انا ؟ .. ولو أنا فلسطيني أخوك عايش بغزة .. بتعرف يعني شو غزة ..يعني القصف والموت والجرحي والتعذيب والسجن والمعاناة والتشرد والحصار والضياع وسرقة الوقت ..عارف بمر اليوم وبجي اليوم الثاني .. وهو هو ما بتغير .. بحس حالي غريب عايش ومش عايش .. كل يوم بنعد روس والعدد بالليمون ، كل لحظة بتذكر اخويا بالعراق واختى في أفغانستان وعمى فى لبنان وجدي بالسعودية وجدتي باليمن وابن خالتي بالسودان وكل يوم بقولهم .. وينكم صدقوني مشتاق كثير الكم مشتاق أحضنكم .. من زمان ما طلعت مسيرة النا .. من زمان وإحنا بنستني .. صابرين بنغني وين الملايين ، وين الشعب العربي وين .. اجت نكبتنا الستين .. عيد ميلاد سعيد يا فلسطين .. على ناسك اللي باعوكي وله على ناس بتجري على كيس طحين .. بس شعوب بتقول الحكام السبب الأنظمة السبب، وأنت المواطن المسكين .. ياحرام الله يكون في عونك .. راح تعيش طبلة وتموت زبال .. انت مواطن يا مواطن عربي .. انت شو وله شو .. انت حكاية بعيد الاستقلال ، مجرور طول عمرك وما راح تتغير إلا إذا راح عمرك .
رسالتي الكم يا عرب يا شعوب أمدت للغرب رسالة أخيرة ...
حاسب نفسك .. اعرف أصلك وفصلك .. اعرف وين أنت .. وشو وظيفتك بهذا العالم ..لشو مخلوق .. قبل ما نهايتك مش عيد ميلادي .. صدقني مش عارف شو راح يكون موقفك .. أنا بقولك كل عام وأنت بخير .. وعيد موتك راح يكون عيد ميلاد سعيد اذا ما حركت شى ، ولا أعملت شى لصالح بلدك فلسطين وإخوتك فى غزة .. قوم ولا قوم بقولك .. صرخ .. يا حبيبي اقرأ عن بلدك .. غني أغاني وطنية .. كون مجموعة شبابية بتحكى عن الوطن والقضية .. شكرا هذه أجمل هدية .
السلام عليكم ورحمة الله وبركاته
الاحرف التي نقلتها اعلاه ليست الا حروف خرجت من فوهة قلم الكاتب المعروف عبد الحميد عبد المعطي
وهو من غزة
اعتبره كاتب مقال مناضل
اذ خط الاحرف من وراء جبال من التنهدات
وسهول واودية امل انخسفت
هذا رايي انا
فما رايك انت؟؟؟؟
